ताइपेई । आइतबार चिनियाँ विमान र युद्धपोतहरूले आफ्नो सीमा उल्लङ्घन गरेको ताइवानको राष्ट्रिय रक्षा मन्त्रालयले बताएको छ ।

‘आइतबार बिहान ६ बजेतिर, पिपुल्स लिबरेशन आर्मीको लडाकु विमानले ताइवान वरिपरिको मध्य रेखा पार गर्‍यो र पिपुल्स लिबरेशन आर्मीको नेभीका आठ युद्धपोतहरूले सीमा उल्लङ्घन गरे,’ राष्ट्रिय रक्षा मन्त्रालयले माइक्रोब्लगिङ वेबसाइट एक्समा एउटा पोस्टमा लेखेको छ ।

‘हामीले परिस्थितिमाथि नजर राखिरहेका छौँ र तदनुसार प्रतिक्रिया दिइरहेका छौँ ।’ पोस्टमा अझ अगाडि लेखिएको छ । यसअघि शनिबार पनि ताइवान वरिपरि आठ चिनियाँ विमान, १३ युद्धपोत र दुई आधिकारिक जहाज देखिएको मन्त्रालयको भनाइ छ ।