काठमाडौं । भारतीय विदेशमन्त्री एस जयशंकरले शनिबार राति संयुक्त राष्ट्रसंघको महासभामा सम्बोधन गर्दै पहलगाममा आतंकवादी हमलाको निन्दा गरेका छन् ।

हमलाबारे उनले पाकिस्तानतर्फ संकेत गरे । पाकिस्तान आतंकवादको केन्द्र भएको उनले आरोप लगाए ।

भारतीय विदेशमन्त्रीले पाकिस्तानमा आतंकवादीको खुलेआम गुणगान गरिने जिकिर गरे । पाकिस्तानमा दशकौँदेखि ठूला अन्तर्राष्ट्रिय आतंकवादी हमलाको जरो रहेको उनले आरोप लगाए ।

उनले आतंकवादी संरचना नष्ट गरिनुपर्नेमा जोड दिए । आतंकवादीसँगको लडाइँ सधैँ भारतको प्राथमिकतामा रहेको उनले बताए ।