काठमाडौं । बंगलादलेशमा भएको संसदीय निर्वाचनमा बंगलादेशकी चर्चित उम्मेदवार तास्निम जारा पराजित भएकी छन् ।

सामाजिक संजाल फेसबुकमा ७५ लाख फलोअर्स भएकी जाराले चुनावमा तेस्रो स्थानमा रहिन् ।

बंगलादेशका अखबारहरूका अनुसार भकुन्डो चुनाव चिह्न लिएर उठेकी जाराले बंगलादेशको राजधानी ढाका क्षेत्र नम्बर ९ बाट ४४ हजार ६ सय ८४ मत प्राप्त गरिन् ।

विजय भएका बंगलादेश नेसनालिस्ट पार्टीका हाबिबुर रसिदले १ लाख ११ हजार २ सय १२ मत ल्याएका छन् ।उनको चुनाव चिह्न धानको बाला थियो ।

जारालाई बलियो उम्मेदवारको रूपमा चर्चा गरिएको थियो । पेशाले चिकित्सक ३१ वर्ष उमेरकी उनी बंगलादेशको विद्यार्थी आन्दोलनबाट उदाएकी नेतृ हुन् ।