काठमाडौं । बंगलादेशको विद्यार्थी आन्दोलनबाट उदाएका नेताहरूको दलसहितको ११ दलीय गठबन्धनले चुनावमा धाँधली भएको आरोप लगाएको छ ।

बंगलादेशको पुरानो दल बंगलादेश नेसनलिस्ट पार्टी (बीएनपी)ले एकल दुईतिहाइ बहुमत ल्याएपछि पराजित ११ दलको गठबन्धनले धाँधलीको आरोप लगाएको हो ।

गठबन्धनले चुनावमा पुनः मतगणनाका माग गरेको छ ।तर, बंगलादेशको निर्वाचन आयोगका आयुक्तले भने अदालतको आदेशबाट मात्रै पुनः गणना हुने बताएका छन् ।

बंगलादेशी अखबार ढाका ट्रिब्युनका अनुसार अनवरुल इस्लाम सरकारले ११ दलीय गठबन्धनले ३२ क्षेत्रमा पुनः मतगणनाको माग गरेका छन् ।