काठमाडौं । ललितपुरको प्रसिद्ध रातो मछिन्द्रनाथको रथको पाङ्ग्रा बनाउने काम अन्तिम चरणमा पुगेको छ ।

जेनजी आन्दोलनका क्रममा भएको आगजनीका कारण रथको दुईवटा पाङ्ग्रा जलेर क्षतिग्रस्त भएपछि नयाँ पाङ्ग्रा बनाइएको हो । रातो मछिन्द्रनाथको पाङ्ग्रा हरेक १२ वर्षमा एक पटक मात्र बनाउने गरेकोमा आगामी बर्षमा हुने जात्राका लागि नै पाङ्ग्रा नभएपछि अहिले नै बनाइएको मछिन्द्रनाथको रथ निर्माण समूहका नाइके दिलकुमार बाराहीले बताए ।

श्री पञ्चमीको दिनदेखि विधिवत पुरा पूजा गरेर पाङ्ग्रा बनाउने काम सुरु गरिएको र आउने शनिबारसम्ममा पूर्ण रुपमा निर्माण भइसक्ने उनले जानकारी दिए ।

रातो मछिन्द्रनाथको जात्रा अन्तर्गत २०८२ साल बैशाख ५ गते रथारोहरण र बैशाख ८ गते रातो मछिन्द्रनाथको रथयात्रा प्रारम्भ हुनेछ ।