काठमाडौं । पश्चिम एसियामा जारी युद्धले विश्वव्यापी खाद्य सुरक्षामा खतरा निम्त्याएको विश्व व्यापार संगठनले जनाएकाे छ ।

युद्धले विश्वव्यापी खाद्य सुरक्षामा गम्भीर खतरा निम्त्याएको चेतावनी दिँदै संगठन प्रमुखले विश्वव्यापी आपूर्ति श्रृंखलाहरू खुला राख्न अपिल गरेका छन् ।

द्वन्द्वका कारण उच्च ऊर्जा लागतले आपूर्ति घटाउँछ, रासायनिक मलको लागत बढाउँछ र अन्ततः यसले विश्वव्यापी खाद्य सुरक्षालाई खतरामा पार्ने उनले बताए ।

न्गोजी ओकोन्जो–इवेलाले जेनेभामा पत्रकारहरूसँग भने, ‘आपूर्तिमा लामो समयसम्म अवरोधले खाद्य प्रणालीमा तरंग ल्याउन सक्छ, जसले किसानहरूलाई मलको प्रयोग कम गर्न र कम परिणाम दिने गहन बालीहरू रोप्न प्रेरित गर्दछ ।’

उनले विश्वव्यापी खाद्य व्यापार मार्गहरू खुला गर्नु र आपूर्तिलाई पूर्वानुमानयोग्य बनाउनु आवश्यक रहेकाे बताए ।