तेल अभिभ । यमनले इजरायलमाथि आक्रमण गरेको छ । एक महिनाअघि अमेरिका–इजरायलले इरानमाथि आक्रमण सुरु गरेयता यमनले इजरायलमाथि गरेको यो दोस्रो आक्रमण हो ।

इजरायली सैन्य स्रोतका अनुसार यमनबाट आएका दुई ड्रोन सोमबार बिहानै रोकिएका थिए । तर थप विवरण भने जारी गरिएको छैन । यमनको इरान–समर्थित हूथी मिलिसिया शनिबारबाट युद्धमा प्रवेश गर्दै इजरायलमाथि मिसाइल प्रहार गरेको थियो ।

यसले मध्यपूर्वमा फैलिरहेको द्वन्द्वलाई थप गहिरो बनाएको छ । इजरायलको वायुसेना पनि सोमबार तेहरानमाथि आक्रमण गर्दै सैन्य पूर्वाधारलाई लक्षित गरेको सेनाले जनाएको छ ।

यस आक्रमणको केही दिनअघि अमेरिकी राष्ट्रपति डोनाल्ड ट्रम्पले अमेरिका र इरानबिच प्रत्यक्ष र अप्रत्यक्ष वार्ता भइरहेको र इरानका नयाँ नेताहरू धेरै तर्कसङ्गत देखिएको भनेका थिए । इरानमा युद्ध चर्किँदै गर्दा अमेरिकाले पश्चिम एसियामा सैन्य उपस्थिति बढाएको छ ।

यता, इरानले पनि सोमबार इजरायलमाथि बहु लहरको मिसाइल आक्रमण गरेको इजरायली सेनाले जनाएको छ ।