दक्षिण कोरियाको सोलस्थित इनच्योन अन्तर्राष्ट्रिय विमानस्थलबाट उडान गरेको ५० मिनेटपछि कोरियन एयरको केई १८९ उडान अचानक हजारौँ फिट तल झरेको समाचार बाहिरीएको छ ।

यो घटनापछि विमानको आकस्मिक अवतरण गरिएको समाचारमा उल्लेख गरीएको छ । यस घटनामा धेरै यात्रुलाई सास फेर्न गाह्रो भएको बताइएको छ । विमान ताइवानको ताइचुङ अन्तर्राष्ट्रिय विमानस्थलका लागि प्रस्थान गरेको थियो । विमान उडेको ५० मिनेटपछि जेजु टापुमा उडिरहेको थियो ।

तर प्रेसराइजेसन सिष्टममा खराबीका कारण १५ मिनेटको अवधिमा विमान २६ हजार ९०० फिट तल झरेको उक्त समाचारमा उल्लेख गरीएको छ ।

उचाइमा रहेको विमान अचानक तल झर्न थालेपछि यात्रुहरूले धेरै समस्या भोग्नुपरेको थियो । कसैको कान दुख्न थाल्यो त कसैलाई सास फेर्न समस्या भएको बताइएको छ । यात्रुहरू सुरक्षाको लागि अक्सिजन मास्क लगाउन बाध्य भएका थिए । विमान ताइचुङ विमानस्थलमा आकस्मिक अवतरण गरियो ।

१७ जनालाई स्वास्थ्य उपचार दिइएको भएपनि पछि उनीहरूलाई अस्पतालबाट डिस्चार्ज गरिएको थियो । यस घटनाका लागि कोरियन एयरले यात्रीहरूसँग माफी मागेको छ । यस मामिलामा छानबिनका लागि सम्बन्धित निकायसँग सहकार्य गर्ने बताइएको ।

पीडितका लागि खाना र यातायातको व्यवस्था गरिएको थियो । घटना भएको १९ घण्टापछि २३ जुनमा अर्को विमानबाट यात्रीहरूलाई पठाइयो । एयरलाइन्सले प्रेसराइजेशन सिस्टम फेल हुनुको कारणबारे अनुसन्धान गरिरहेको कोरियन एयरका प्रवक्ताले जानकारी दिएका छन ।