काठमाडौं । इस्वी संवतको नयाँ वर्ष २०२६ शुरू हुन थालेको छ । इस्वी संवतको नयाँ वर्षलाई स्वागत गर्ने पहिलो देश किरिबाटी हो । किरिबाटी मध्य प्रशान्त महासागरमा रहेको ओशिनियाको माइक्रोनेसिया उपक्षेत्रमा रहेको एक टापु राष्ट्र हो ।

यस्तै किरिबाटीपछि न्युजिल्यान्डले पनि अकल्यान्डमा आतिशबाजीका साथ नयाँ वर्षलाई स्वागत गरिसकेको बीबीसीले जनाएको छ । यसपछि अस्ट्रेलिया र एशियाका धेरै देशहरूमा नयाँ वर्ष शुरू हुनेछ ।

सम्पूर्ण विश्व सन् २०२६ मा प्रवेश गर्न पूरा २६ घण्टा लाग्छ । किरिबाटीको किरितिमाटी टापुबाट शुरू हुने नयाँ वर्षको उत्सव छिमेकी बेकर टापुमा पुगेर समाप्त हुन्छ ।

नयाँ वर्ष मनाउँदा आतिशबाजी गर्ने विश्वव्यापी तरिका हो । यस्तै डेनमार्कमा आफ्ना साथीहरूको ढोकामा प्लेटहरू फोर्ने गरिन्छ, यसो गर्दा १२ महिनासम्म शुभकामना पाइने उनीहरू विश्वास गर्छन् ।

यस्तै जापान र दक्षिण कोरियामा घण्टी बजाउनु अर्को परम्परा हो । जापानमा घण्टी १०८ पटक बजाइन्छ – जसले वर्षको शुरुआत हल्लाखल्लाले गर्छ । अमेरिकामा, न्यूयोर्कका मानिसहरू टाइम्स स्क्वायर बल ड्रपका लागि गन्ती गर्छन् जब एउटा चम्किलो बल झण्डाको खम्बाबाट तल सर्छ र घडीको सुई मध्यरातमा बज्दा तल पुग्छ ।