काठमाडाैं । आईसीसी विश्वकप लिग टू अन्तर्गत त्रिकोणात्मक एक दिवसीय सिरिजमा पाँचौं स्थानमा रहेको युएई सातौं स्थानमा रहेको पपुवा न्युगिनी (पीएनजी)सँग फराकिलो अन्तरले पराजित भएको छ । पाहुना टोली पीएनजीले बनाएको २६२ रनको जवाफमा उत्रिएको युएई ३४.२ ओभरमा १३१ रनमा अलआउट भएपछि १३१ रनको पराजय भोग्न बध्य भयो ।

हारपछि युएई २९ खेलबाट २९ अंकका साथ पाँचौं स्थानमा यथावत रहेको छ भने पीएनजी ३० खेलमा बल्ल तेस्रो जित निकालेको छ । पपुवा न्युगिनीले अव शुक्रबार नेपालसँग खेल्नेछ ।

यस्ताे छ अंक तालिका

स्कटल्यान्ड ३६ खेलमा २४ मा जित र १० मा हारका साथ ५० अंकका साथ शीर्ष स्थानमा रहँदै अन्त्य गर्यो । ओमान ३६ खेलमा २१ मा जित र १३ मा हारसहित ४४ अंकका साथ दोस्रो अन्त्य गरेको छ । नामिबिया ३६ खेलमा १९ मा जित र १६ मा हारका साथ ३९ अंकका साथ तेस्रो स्थानमा छ ।

अमेरिका ३६ खेलमा १६ मा जित र १७ मा हारसहित ३५ अंकका साथ चौथो स्थानमा छ । युएई २९ खेलमा १३ मा जित र १३ मा हारसहित २९ अंकका साथ पाँचौं स्थानमा छ । नेपाल २९ खेलमा १३ मा जित र १४ मा हारसहित २८ अंकका साथ छैटौं स्थानमा छ । पपुवा न्युगिनी ३० खेलमा ३ मा जित र २६ मा हारसहित ७ अंक जोड्दै पुछारमा छ।