काठमाडौँ । मंगलबार नेप्से परिसूचक ६.५१ अंकले बढेर २७७७ मा पुगेको छ । दिनभरको कारोबारमा नेप्से २७९६ अंकसम्म पुगेको थियो, जुन आजको उच्चतम स्तर रह्यो।

आज कुल कारोबार रकम घटेर ५ अर्ब ६३ करोडमा सीमित भयो। अघिल्लो दिन यो ६ अर्ब १७ करोड थियो।

१४२ कम्पनीको मूल्य बढ्दा १०७ कम्पनीको घट्यो। सबै समूहका सूचक वृद्धि भए पनि वृद्धिदर १ प्रतिशतभन्दा कम रह्यो।

सबैभन्दा बढी मूल्य वृद्धि सान्भी इनर्जी (६.९८%), पियोर इनर्जी (६.०९%) र इस्टर्न हाइड्रोपावर (४.५८%) ले गरे।
त्यस्तै, नारायणी डेभलपमेन्ट बैंक (–६.१४%) र युनाइटेड मोदी हाइड्रोपावर (–४.१८%) ले सबैभन्दा धेरै घटे।

सबैभन्दा बढी कारोबार हुने कम्पनीहरूमा युनाइटेड मोदी हाइड्रोपावर, हिमालयन डिस्टिलरी, राधि विद्युत्, बुटवल पावर र माउन्टेन इनर्जी अग्रस्थानमा रहे।